აშშ უკრაინისგან მოითხოვს კონტროლის გადაცემას იმ გაზსადენზე, რომლითაც ევროპას რუსული ბუნებრივი აირი მიეწოდებოდა. ინფორმაციას ამის შესახებ „როიტერი“ ავრცელებს.
მედიის ცნობით, აშშ-მა ეს მოთხოვნა უკრაინასთან სასარგებლო წიაღისეულის შესახებ შეთანხმების ახალი ვარიანტის განხილვის ფარგლებში მოითხოვა.
ანონიმური წყაროების ცნობით, ვაშინგტონმა კიევს მოსთხოვა რუსული კომპანია „გაზპრომის“ გაზსადენზე კონტროლი აშშ-ის საერთაშორისო დაფინანსების კორპორაციას (DFC) გადაეცეს.
„როიტერის“ ცნობით, ვაშინგტონსა და კიევს შორის აშშ-ის დედაქალაქში 11 აპრილს დაწყებული მოლაპარაკებები „ანტაგონისტურ ატმოსფეროში“ მიმდინარეობს, რაც აშშ-ის „მაქსიმალისტურ“ მოთხოვნებთანაა დაკავშირებული.
აშშ-ის სახაზინო დეპარტამენტის წარმომადგენლებმა ამ მოლაპარაკებებს „არსებითად ტექნიკური ხასიათის“ უწოდეს.
მანამდე ამერიკულმა მედია დაწერა, რომ სასარგებლო წიაღისეულის გარშემო შეთანხმების შესახებ მოლაპარაკებები ვაშინგტონში 11 და 12 აპრილს გაიმართება.
