ლიეტუვაში, სამხედრო პოლიგონ პაბრადეს ტერიტორიაზე სამი ამერიკელი სამხედროს ცხედარი იპოვეს, ხოლო დარჩენილი ერთი სამხედროს ძებნა კვლავ გრძელდება. ამის შესახებ ინფორმაციას ლიეტუვის პრეზიდენტი გიტანას ნაუსედა ადასტურებს.
„ღრმა მწუხარებითა და გულისტკივილით მივიღე ცნობა სამი ამერიკელი ჯარისკაცის ტრაგიკული დაღუპვის შესახებ“, – დაწერა ნაუსედამ სოციალურ ქსელში.
შეგახსენებთ, რომ ჯავშანმანქანა, რომელიც ლიეტუვაში გამართულ სამხედრო სწავლებებში მონაწილეობდა და რომელსაც ოთხი ამერიკელი სამხედრო მართავდა, 26 მარტს ჭაობში აღმოაჩინეს. იმავე დღეს ვარშავაში ვიზიტით მყოფმა ნატო-ს გენერალურმა მდივანმა განაცხადა, რომ ეს სამხედროები დაიღუპნენ.
Facebook Comments Box
