აშშ-ისა და რუსეთის დელეგაციებს შორის საუდის არაბეთის დედაქალაქ ერ-რიადში გამართული მოლაპარაკებების შესახებ განცხადება არ გამოქვეყნდება, – განაცხადა რუსეთის პრეზიდენტის პრესმდივანმა, დიმიტრი პესკოვმა.
მისი თქმით, მოლაპარაკებები შეეხებოდა ტექნიკური დეტალების დაზუსტებას, შესაბამისად, მათი გამოქვეყნება მიზანშეწონილი არ არის.
„საუბარია ტექნიკურ მოლაპარაკებებზე. ეს იყო დეტალებით დატვირთული ტექნიკური მოლაპარაკებები, ამიტომ ამ მოლაპარაკებების გასაჯაროება არ მოხდება. ამას ნუ ელოდებით“, – აღნიშნა პესკოვმა.
როგორც კრემლის პრესმდივანმა დასძინა, დელეგაციებმა უკვე მოამზადეს შესაბამისი ანგარიშები ქვეყნების მეთაურებისთვის, რომლებიც მათ შესწავლას დაიწყებენ.
ცნობისთვის, აშშ-ისა და რუსეთის დელეგაციებმა ერ-რიადში 12-საათიანი მოლაპარაკებები გუშინ გამართეს.
Facebook Comments Box
![ზურაბ ნოღაიდელი 2008 წლის ომზე: [სააკაშვილმა] იცოდა რა შესაძლებლობები, რა რესურსები აქვს ქვეყანას და რა შესაძლებლობები აქვს ჩრდილოელ მეზობელს, ამის შეფასებებს, შედარებებს ერთმანეთთან ნებისმიერი ადამიანი უნდა მიეყვანა ლოგიკურ დასკვნამდე, რომ ამის გაკეთება არ შეიძლება და საზიანოა](https://i0.wp.com/www.infopostalioni.com/wp-content/uploads/2025/03/imedinews-19.jpg?fit=840%2C560&ssl=1&resize=40%2C40){kind=small}
