ექსპერტი ნინო ფოჩხუა, გახარიას პარტიის ერთ-ერთი ლიდერის, ნათია მეზვრიშვილის მიერ კახა კალაძესთან დაკავშირებით გაკეთებულ განცხადებას ეხმიანება და აღნიშნავს, რომ ეგონა, მას შემდეგ, რაც მეზვრიშვილი ოპოზიციის წარმომადგენლებმა საშინელი სიტყვებით შეამკეს, იგი ხმის ამოღებასაც ვერ გაბედავდა.
კერძოდ, ექსპერტმა შეაფასა მეზვრიშვილის მიმართვა კახა კალაძისადმი, რომელშიც მას “კაცობაში ჩაჭრილი, ჭორიკანა მერი” უწოდა.
ფოჩხუას განცხადებით, კორუფცია, ჭორკნობა და კაცობაში ჩაჭრა, ნათია მეზვრიშვილმა საკუთარ უფროსთან, გიორგი გახარიასთან აჯობებს მოიკითხოს.
“მეგონა გუშინდელი დღის მერე ეს ქალი ხმის ამოღებასაც ვერ გაბედავდა. არ დარჩენილა ოპოზიციაში კაცი, რომ არ ეგინებინა და საშინელი სიტყვებით არ შეემკო ადეიშვილის გამოზრდილი ყოფილი პროკურორი, მაგრამ როდის ყოფილა ასეთი წარსულის ადამიანს თავმოყვარეობა ჰქონია. აი, ახლაც კახა კალაძეს მიადგა. ამას გახარია ეტყობა მართლა კაცი ჰგონია. ყველას გვახსოვს გახარიას გავლილი ნარკოტესტი კარდიოლოგთან და კიდევ ბევრი სხვა რამე. ასე რომ კორუფცია, ჭორიკნობა და კაცობაში ჩაჭრა საკუთარ უფროსთან მოიკითხოს.” – წერს ნინო ფოჩხუა. ცნობისთვის, დედაქალაქის მერმა, კახა კალაძემ, აღნიშნა: “მზად ვარ, ნებისმიერ დროს გავიარო ნარკოლოგიური შემოწმება, გახარია ხომ არ ვარ გავიქცე და დავიმალო.”
