ევროპის ეკონომიკური, პოლიტიკური და მორალური კრიზისი ნათლად ჩანს ოკეანის გაღმაც, – ამის შესახებ უნგრეთის საგარეო საქმეთა მინისტრმა, პიტერ სიიარტომ აშშ-ის სახელმწიფო მდივანთან, მარკო რუბიოსთან შეხვედრის შემდეგ სოციალურ ქსელში დაწერა.
მისი თქმით, სერიოზულ შეშფოთებას იწვევს თავდასხმები პატრიოტულ პოლიტიკურ ძალებსა და მთავრობებზე, ზოგჯერ მხოლოდ იმიტომ, რომ ისინი თავიანთ ეროვნულ არჩევნებში იმარჯვებენ.
„ევროპის ეკონომიკური, პოლიტიკური და მორალური კრიზისი ნათლად ჩანს ოკეანის გაღმაც. ჩვენ ვთანხმდებით, რომ ამ რთულ პერიოდში ეროვნული იდენტობის შენარჩუნება შეიძლება იყოს უფრო მნიშვნელოვანი, ვიდრე ოდესმე. სერიოზულ შეშფოთებას იწვევს თავდასხმები პატრიოტული პოლიტიკურ ძალებსა და მთავრობებზე, ზოგჯერ მხოლოდ იმიტომ, რომ ისინი თავიანთ ეროვნულ არჩევნებში იმარჯვებენ. ახლა პატრიოტულ ძალებს ძალიან სჭირდებათ გაერთიანება!“ – წერს პიტერ სიიარტო.
