ცესკოს წევრობის კანდიდატების შესარჩევმა საკონკურსო კომისიამ პარლამენტის თავმჯდომარეს კანდიდატების სია წარუდგინა. საკონკურსო კომისიის სხდომის ფარგლებში, კანდიდატების საკონკურსო დოკუმენტაცია შეისწავლეს.
პარლამენტისათვის ასარჩევად წარდგენის მიზნით პარლამენტის თავმჯდომარეს წარუდგინეს შემდეგი კანდიდატები: გიორგი ძაგანია, გიორგი ჭიქაბერიძე, დიმიტრი ჯავახაძე და გიორგი ჯავახიშვილი.
„სხდომაზე წარმოდგენილი გახლდათ ოთხი კანდიდატურა. კომისიამ იმსჯელა ოთხივე კანდიდატურის შესაბამისობაზე საქართველოს კანონმდებლობასთან დადგენილი წესით. ოთხივე კანდიდატი სრულად აკმაყოფილებს კანონმდებლობით დადგენილ მოთხოვნებს, მათ გააჩნიათ მრავალწლიანი გამოცდილება ამ სპეციფიკური მიმართულებით“, – განაცხადა ცესკოს წევრების შესარჩევი კომისიის თავმჯდომარემ, ზვიად გაბისონიამ.
Facebook Comments Box
