კონსპირაციული შეხვედრა კლუბ „ბასიანში“ – გვიან ღამით კლუბის ტერიტორიაზე „თბილისი პრაიდი“, სხვა რამდენიმე არასამთავრობო ორგანიზაცია და მათი თანამოაზრეები შეიკრიბნენ.
„ქრონიკის“ ინფორმაციით, შეკრების მთავარი თემა ლგბტ პროპაგანდის წინააღმდეგ კანონი იყო. იმსჯელეს სხვა კანონებსა და იმ ნაბიჯებზეც, რომელიც მათ სახელმწიფოს წინააღმდეგ ბრძოლაში უნდა გამოიყენონ. შეხვედრას ესწრებოდა ლაზარე გრიგორიადისიც. შეკრება სადისკუსიო პლატფორმა speak up-ის ფარგლებში გაიმართა, რომელიც ღამის კლუბების გაერთიანებით შეიქმნა.
მომხსენებლებს შორის იყვნენ – „თბილისი პრაიდის“ დირექტორი თამარ ჯაყელი, რეჟისორი დავით თავაძე, სოციალური სამართლიანობის ცენტრის დირექტორი თამთა მიქელაძე, ფოტოგრაფი მინდია გაბაძე და სხვები. მათმა უმრავლესობამ მედიის შეკითხვებს არ უპასუხა. ნაწილმა კი შეკრების მიზნების შესახებ „ქრონიკის“ ინფორმაცია დაადასტურა, თუმცა დეტალებზე არ ისაუბრეს.
