ელჩებთან შეხვედრა დავიწყე პროტესტით ევროკავშირის ელჩსა და დე ფაქტო საგარეო საქმეთა მინისტრს შორის მიუღებელი ხელის ჩამორთმევის გამო, ჩემი შექება ამას ვერ აანაზღაურებს, – ამის შესახებ პრეზიდენტი სალომე ზურაბიშვილი სოციალურ ქსელში წერს.
„რაც არ არის ნათქვამი ისაა, რომ მე შეხვედრა დავიწყე ძლიერი პროტესტით ევროკავშირის ელჩსა და დე ფაქტო საგარეო საქმეთა მინისტრს შორის მიუღებელი ხელის ჩამორთმევის გამო. ჩემი შექება ამას ვერ აანაზღაურებს“, – ასე ეხმაურება სალომე ზურაბიშვილი სოციალურ ქსელში საქართველოში ევროკავშირის წარმომადგენლობის მიერ გამართულ სამუშაო ლანჩს.
ცნობისთვის, ევროკავშირის ელჩმა, პაველ ჰერჩინსკიმ, 10 დეკემბერს ევროკავშირის წევრი სახელმწიფოების ელჩებთან ერთად, სალომე ზურაბიშვილს სამუშაო ლანჩზე უმასპინძლა. საქართველოს საგარეო საქმეთა მინისტრი მაკა ბოჭორიშვილი საქართველოში ევროკავშირის ელჩს, პაველ ჰერჩინსკის 9 დეკემბერს შეხვდა.
