აშშ-ის არჩეულმა პრეზიდენტმა, დონალდ ტრამპმა ჯანდაცვისა და სოციალური მომსახურების დეპარტამენტის ხელმძღვანელის თანამდებობაზე რობერტ კენედი უმცროსი დაასახელა.
რობერტ კენედი უმცროსმა დონალდ ტრამპს მადლობა გადაუხადა აშშ-ის ჯანდაცვისა და სოციალური მომსახურების დეპარტამენტის ხელმძღვანელად წარდგენისთვის.
კენედი აცხადებს, რომ მოუთმენლად ელოდება მუშაობის დაწყებას, რათა „გაათავისუფლოს სააგენტოები კორპორატიული გავლენისგან, რაც მათ საშუალებას მისცემს, განახორციელონ თავიანთი მისია – კვლავ აქციონ ამერიკელები მსოფლიოში ყველაზე ჯანმრთელ ერად“.
ამასთან, რობერტ კენედი უმცროსი საზოგადოებას გამჭვირვალობასა და „მტკიცებულებებზე დაფუძნებულ მეცნიერებაზე“ ფოკუსირებას დაჰპირდა.
„ჩემი ვალდებულება ამერიკელი ხალხის წინაშე არის ვიყო პატიოსანი საჯარო მოხელე“, – წერს კენედი სოციალურ ქსელში.
