„აი კიდევ ერთი ნათელი მაგალითი იმისა, თუ როგორ გადაიქცა დემოკრატია თანამედროვე დასავლური ბიუროკრატიის ხელში დემონოკრატიად“-წერს ექსპერტი ედიშერ გვენეტაძე მოლდოვის საპრეზიდენტო არჩევნებში მაია სანდუს გამარჯვების შესახებ. ექსპერტის თქმით, მაშინ, როდესაც საქართველოში ჩატარებულ არჩევნებს და მმართველი ძალის მიერ 300 ათასი ხმით მოპოვებულ გამარჯვებას ეჭვქვეშ აყენებენ, ელვისებურად აღიარებენ მოლდოვაში ჩატარებულ საპრეზიდენტო არჩევნებს, სადაც სანდუმ გაიმარჯვა არა მოლდოვის ტერიტორიაზე, არამედ უცხოეთში მყოფ ემიგრანტთა ხარჯზე.
„აი კიდევ ერთი ნათელი მაგალითი იმისა თუ, როგორ გადაიქცა დემოკრატია თანამედროვე დასავლური ბიუროკრატიის ხელში დემონოკრატიად. ინებეთ! მაშინ, როდესაც საქართველოში ჩატარებულ არჩევნებს და მმართველი ძალის მიერ 300 ათასი ხმით მოპოვებულ გამარჯვებას ეჭვქვეშ აყენებენ, ჩვენზე დღე და ღამ “მოფიქრალი” დასავლელი დაუძინებელი მეგობრები, პარალელურად ელვისებურად აღიარებენ მოლდოვაში ჩატარებულ საპრეზიდენტო არჩევნებს, სადაც სანდუმ გაიმარჯვა არა მოლდოვის ტერიტორიაზე, არამედ უცხოეთში მყოფ ემიგრანტთა ხარჯზე. ახლა ხომ წარმოგიდგენიათ, როგორ ჩატარდა არჩევნები უცხო ქვეყნის ტერიტორიაზე და როგორ აყვავებულ მოლდოვურ “დემოკრატიას” უჭერს მხარს დღევანდელი დასავლური ლიბერალურ-ფაშისტური დემოკრატია.“- წერს ედიშერ გვენეტაძე.
