ადვოკატები, რომლებიც საიმიგრაციო ქეისებზე მუშაობენ, აღნიშნავენ, რომ აშშ-ში გაიზარდა იმ შეძლებული ადამიანების რიცხვი, ვისაც მეორე პასპორტის აღება ან საზღვარგარეთ ხანგრძლივი ცხოვრების უფლების მოპოვება სურს, რადგან პოლიტიკური და სოციალური მღელვარების ეშინიათ. ამის შესახებ CNBC წერს.
კომპანია Henley & Partners-ის კერძო პირებთან მუშაობის ჯგუფის ხელმძღვანელი დომნიკ ვოლეკა აცხადებს, რომ 2023 წელთან შედარებით, 30% არის გაზრდილი აშშ-ს იმ მოქალაქეების რიცხვი, რომლებიც საზღვარგარეთ საცხოვრებლად გადასვლას აპირებენ.
გამოკითხვის თანახმად, ამერიკელი მილიონერების 53%-მა განაცხადა, რომ სავარაუდოდ, დატოვებენ ამერიკას არჩევნების შემდეგ, განურჩევლად შედეგებისა. 18-დან 29 წლამდე გამოკითხულთა 64% დაინტერესებულია „ოქროს ვიზის“ მიღებით, რომელიც შესაძლებელია პროგრამით „საზღვარგარეთ ცხოვრება და ინვესტიცია“.
