ანალიტიკოსი ზაალ ანჯაფარიძე მსოფლიო ბანკის “გლობალური კეთილდღეობის მონაცემთა ბაზის” მიერ მართლმსაჯულების ხელმისაწვდომლობის ინდექსის გამოქვეყნებას ეხმიანება, რომლის მიხედვითაც საქართველო ისტორიულ მაქსიმუმზეა და 11 წლიანი პროგრესით ევრაზიის კონტინენტზე ერთპიროვნულად ლიდერობს.
როგორც ანალიტიკოსი აღნიშნავს, ამ პროგრესს რა თქმა უნდა, არ შეიმჩნევენ არც ევროსტრუქტურებში, არც ამჟამინდელი ხელისუფლების წინააღმდეგ დაგეშილ ანალიტიკურ ცენტრებში, თუმცა, რეალობისთვის თვალის გასწორება და მრუდე სარკეების სამყაროდან გამოსვლა, ადრე თუ გვიან მაინც მოუწევთ.
“ჩვენი ქვეყნის ამ პროგრესს რა თქმა უნდა არ შეიმჩნევენ არც აშშ-ის სახელმწიფო დეპარტამენტსა და კონგრესში, არც ევროსტრუქტურებში, არც ამჟამინდელი ხელისუფლების წინააღმდეგ დაგეშილ ანალიტიკურ ცენტრებში, აღარაფერს ვიტყვი ადგილობრივ რადიკალურ კლასტერზე… თუმცა, რეალობისთვის თვალის გასწორება და მრუდე სარკეების სამყაროდან გამოსვლა, ადრე თუ გვიან მაინც მოუწევთ”- წერს ანჯაფარიძე Facebook-ზე.
