მამუკა ხაზარაძესა და გიორგი გახარიას შორის მოლაპარაკებებს სოსო მანჯავიძე ირონიული პოსტით ეხმაურება და წერს:
„აღარც ხაზარაძეა მევახშე.
აღარც ელისაშვილია ინტრიგანი
აღარც გახარიაა თვალთხარია და რუსეთის აგენტი.
სალომე ბონაპარტემ, ქაქის(ქართული ქარტიის აბრევიატურაა) ლიდერმა, მოუწოდა და მათაც მიუტევეს ერთმანეთს ევროპისათვის.
გასაგებია, თქვე პუტინისტებო?
ევროპა მოწყალეა-ვინც თავს დადებს ევროპისთვის სულნი მათნი ზეცას რბიან!
გუშინ ვაკეში ვიყავი.
რუსი ოლიგარქის მიერ ჩელიაბინსკში გაღვიძებული ვაკელები სასომიხდილნი შეყუჟულიყვნენ კაფე -ბარებში. მათ მდუმარე და მოღუშულ სახეებს ხანდახან რაღაც ნეტარი, ევროპული სინათლე გადაურბენდა ხოლმე.
თვალი გავაყოლე ერთ-ერთის იმედიან მზერას და რას ვხედავ-ავტობუსზე პლაკატიდან ევროპული მომავალი-მამუკა. ალეკო, ანი და ვიღაც მეოთხე შემომცქეროდა.
ახლა ესენი თუ გააერთიანა მადამ პღეზიდანმა, ხომ საერთოდ უძლეველიები გახდებიან.
ისე, უკადრებლის კადრებაში მსოფლიო ჩემპიონატი რომ ტარდებოდეს, ეჭვი მაქვს, მანდაც ვერ გვაჯობებდა ვერავინ“.
