“საერთაშორისო გამჭვირვალობა-საქართველოს” აღმასრულებელი დირექტორი ეკა გიგაური აშშ-ის სენატის საგარეო ურთიერთობათა კომიტეტმა 12 სექტემბერს დაგეგმილ სხდომაზე მომხსენებლად მიიწვია.
ინფორმაციას “საერთაშორისო გამჭვირვალობა-საქართველო“ ავრცელებს.
მათივე ცნობით, კომიტეტში “არასამთავრობო ორგანიზაციების საწინააღმდეგო კანონმდებლობა და დემოკრატიის რეპრესიების სხვა ინსტრუმენტები” განიხილება.
ეკა გიგაურთან ერთად, კომიტეტზე მომხსენებლები იქნებიან დუგლას რუცენი, არაკომერციული სამართლის საერთაშორისო ცენტრის პრეზიდენტი, მთავარი აღმასრულებელი დირექტორი და იაჩო ვანგი ფრიდომ ჰაუსიდან ჩინეთის, ჰონკ-კონგის და ტაივანის საკითხების კვლევების დირექტორი.
Facebook Comments Box
