ახალ ზელანდიაში მოქმედმა საქველმოქმედო ორგანიზაციამ, შეცდომით, მეტამფეტამინის სასიკვდილო დოზის შემცველი კონფეტები დაარიგა.
საქველმოქმედო მიზნით განკუთვნილ სურსათის ყუთებში მოთავსებული კონფეტები 400-მდე ოჯახს დაურიგდა. ინფორმაციას The Guardian ავრცელებს.
გაზეთის ცნობით, თითოეულ კონფეტში, ნარკოტიკული საშუალების დოზა 300-ჯერ აჭარბებს ნორმას და სასიკვდილოა.
გამოცემის ინფორმაციით, ანანასის ტკბილეული მალაიზიურ ბრენდ Rinda-ს ეკუთვნის და სავარაუდოდ, მოხალისეების ხელში შეცდომით მოხვდა, რადგან თითოეულის ღირებულება $600-ს შეადგენს.
კონფეტების გასინჯვა, მინიმუმ, 8 ოჯახში მოასწრეს, სადაც ბავშვები ცხოვრობენ, თუმცა ჰოსპიტალიზაციის შემთხვევები არ დაფიქსირდა. საზიზღარი გემოს გამო, ბავშვებმა ის მაშინვე გადმოაფურთხეს.
ახალი ზელანდიის პოლიციამ გამოძიება დაიწყო.
