ილონ მასკი აცხადებს, რომ რომ აშშ-ს პრეზიდენტობის კანდიდატთან, დონალდ ტრამპთან მის ინტერვიუს 12 საათში მილიარდმა ადამიანმა უყურა. ამ რიცხვში შედიან არა მხოლოდ ტრანსლაციის მაყურებლები, არამედ პოსტის ავტორები X-ზე.
ახლა ბიზნესმენს სურვილი აქვს, გაესაუბროს დემოკრატების საპრეზიდენტო კანდიდატ კამალა ჰარისს. მისი თქმით, მოხარული იქნება, უმასპინძლოს კამალას მოედანზე.
მანამდე, X-ზე მასირებულ დოს-შეტევა განხორციელდა. მასკმა განცხადება გააკეთა, რომ თუ პრობლემა არ აღმოიფხვრებოდა, ტრამპთან ინტერვიუ მსმენელთა შემცირებული რაოდენობით გაგრძელდებოდა, ფართო აუდიტორიისთვის კი, მოგვიანებით გახდებოდა ხელმისაწვდომი ჩანაწერის სახით.
ტრანსლაციის წინ მასკს ევროკომისარმა ტერი ბრეტონმა მიმართა და განაცხადა, რომ მრავალმილიონიან აუდიტორიაზე პირდაპირი მაუწყებლობა საზოგადოებრივი უსაფრთხოებისთვის საშიშროებას წარმოადგენდა, რადგან ინტერვიუ სავარაუდოდ, პოტენციურად საშიში კონტენტის შემცველობის იქნებოდა.
ევროკომისრის წერილს მასკმა საკმაოდ უხეში მემით უპასუხა და უთხრა, რომ თავი დაანებოს.
