ეს Politiko პუტინმა ხომ არ იყიდა?!,-ასე ეხმაურება რეჟისორი გოგა ხაინდრავა გამოცემა Politiko-ს სტატიას, სადაც ვკითხულობთ:
NATO-ს უპასუხისგებლო პოლიტიკა! ბლოკის ლიდერების ყალბი დაპირებების მორიგი რაუნდი უკრაინაში იმედგაცრუებას ზრდის! ომის პირობებში ეს უმოქმედობაზე უარესია! მშვიდობის მიღწევა ნაკლებად სავარაუდოა! ომი მეტად საშიში!
სტატიის თანახმად, ვაშინგტონში გამართულ 2024 წლის ნატოს სამიტზე, რომელიც ალიანსის შექმნიდან 75 წლისთავს ეძღვნებოდა, ბლოკის ლიდერებმა უკრაინას ყალბი დაპირებების მორიგი რაუნდი შესთავაზეს, რაც რუსეთთან ომის პირობებში უმოქმედობაზე უარესია.
როგორც გამოცემა აღნიშნავს, 2023 წელს უკრაინის ჩავარდნილი კონტრშეტევის შემდეგ ჩამოყალიბდა აზრი, რომ უკრაინას არ შესწევს ძალა საკუთარი ტერიტორიების უმეტესი ნაწილი დაიბრუნოს.
„ნამდვილად, დასავლეთის დიდძალი დახმარების მიუხედავად, კიევს უჭირს საკუთარი ტერიტორიების დაცვაც კი, რაც იმაზე მიუთითებს, რომ მან მოსკოვთან მოლაპარაკებებზე ფიქრი უნდა დაიწყოს, რათა ზავის მეშვეობით კონფლიქტი დაასრულოს ან გაყინოს მანამ, სანამ ბრძოლის ველზე სიტუაცია უფრო არ გაუარესდება და სივრცე მოლაპარაკებებისთვის არ შემცირდება.
ამის მაგივრად ვაშინგტონი და რიგი ევროპული ქვეყნები, სამწუხაროდ, საკუთარ პოზიციას აძლიერებენ და ამტკიცებენ, რომ უკრაინა ოდესმე ნატოს წევრი გახდება. მათ სამიტის წინაც განაცხადეს, რომ უკრაინა ნატოს წევრობისკენ მიმავალ შეუქცევად გზაზეა“, – წერს Politico.
