„აშშ-ის პრეზიდენტმა ჯო ბაიდენმა, „დემოკრატებისთვის“ წარუმატებელი დებატების შემდეგ, თქვა, რომ მას მეტი ძილი სჭირდებოდა. მან დაავალა თავის თანამშრომლებს არ დაგეგმონ მისთვის ღონისძიებები საღამოს 8:00 საათის შემდეგ“, – ამის შესახებ Washington Post-ი წერს.
როგორც მედიასაშუალება აღნიშნავს, პრეზიდენტმა ბაიდენმა 3 ივლისს ღამით თეთრ სახლში გამართულ კერძო შეხვედრის დროს „დემოკრატ“ გუბერნატორებს უთხრა, რომ მას მეტი ძილი სჭირდებოდა.
„ბაიდენი ახლა მიიჩნევს, რომ საჭიროა ცვლილებები, რათა საჯაროდ კარგად გამოიყურებოდეს“, – წერს გამოცემა ინფორმირებულ წყაროზე დაყრდნობით.
შეგახსენებთ, მანამდე კი გამოცემა „პოლიტიკომ“ გაავრცელა ინფორმაცია, რომლის თანახმადაც ჯო ბაიდენმა პირად შეხვედრაზე 20-ზე მეტ „დემოკრატ“ გუბერნატორს უთხრა, რომ თავის კონკურენტ დონალდ ტრამპთან დებატების შემდეგ სამედიცინო გამოკვლევა გაიარა და თავს კარგად გრძნობს.
