პოლონეთის პრეზიდენტი ანჯეი დუდა სახელმწიფო ვიზიტით პეკინში ჩავიდა. მიმდინარე წელს ჩინეთისა და პოლონეთის დიპლომატიური ურთიერთობების დამყარების 75-ე წლისთავს აღნიშნავენ.
ვიზიტის ფარგლებში ანჯეი დუდა ჩინეთის ლიდერს, სი ძინპინს შეხვდება.
როგორც გამგზავრებამდე პოლონეთის პრეზიდენტმა განაცხადა, სი ძინპინთან შეხვედრისას განიხილავს პოლნეთის მოქალაქეებისთვის სავიზო მოთხოვნებს, ორმხრივ ეკონომიკურ ურთიერთობებს და უკრაინაში არსებულ სიტუაციას. მისი თქმით, უკრაინა არის უკიდურესად მნიშვნელოვანი „სარტყელისა და გზის ინიციატივისთვის“.
დუდამ ჩინეთთან, როგორც მსოფლიოს ერთ-ერთ უმსხვილეს სახელმწიფოსთან ურთიერთობების მნიშვნელობას გაუსვა ხაზი.
„ყველა რაციონალური ლიდერი ურთიერთობს ჩინეთთან. გლობალური მასშტაბით წამყვანი ქვეყნების პრეზიდენტები ხვდებიან ჩინელ ლიდერებს. მივისწრაფი ჩინეთთან მეგობრული ურთიერთობების შენარჩუნებისკენ”, – განაცხადა ანჯეი დუდამ.
მისი თქმით, ჩინეთის მთავრობას გააჩნია მნიშვნელოვანი პოლიტიკური გავლენა და შეუძლია ბელარუსის პრეზიდენტზე, ალექსანდრ ლუკაშენკოზე ზეწოლის განხორციელება, რათა მან პოლონეთის წინააღმდეგ ჰიბრიდული თავდასხმები შეწყვიტოს.
პოლონეთის პრეზიდენტი ჩინეთში ვიზიტს 26 ივნისს დაასრულებს.
