ძალიან გულუბრყვილო ვინმე თუ იფიქრებდა, რომ ვენეციის კომისიის დასკვნა ოდნავ მაინც განსხვავებული იქნებოდა ევროსტრუქტურების მიერ ერთ ხმაში გაჟღერებული პოზიციისგან, – ასე ეხმიანება ექსპერტი ზაალ ანჯაფარიძე “უცხოური გავლენის გამჭვირვალობის შესახებ” კანონთან დაკავშირებით გამოქვეყნებულ ვენეციის კომისიის დასკვნას სოციალურ ქსელში.
მისი თქმით, ეს ის შემთხვევაა, როდესაც დასკვნის დეტალების განხილვას აზრი არ აქვს, ვინაიდან ზუსტად მართლდება ცნობილი ანდაზა, რომ ძაღლი ძაღლის ტყავს არ დახევს.
“ძალიან გულუბრყვილო ვინმე თუ იფიქრებდა, რომ ვენეციის კომისიის დასკვნა ოდნავ მაინც განსხვავებული იქნებოდა ევროსტრუქტურების მიერ ერთ ხმაში გაჟღერებული პოზიციისგან. ეს ის შემთხვევაა, როდესაც აზრიც აღარ აქვს დასკვნის დეტალების განხილვას. სხვათა შორის, დღეს კარგად იქნა განმარტებული ამ დასკვნის შიგთავსი. ეს ის შემთხვევაა, როდესაც ზუსტად მართლდება ცნობილი ანდაზა, რომ ძაღლი ძაღლის ტყავს არ დახევს. ეხლა უკვე იწყება ახალი ეტაპი.” – წერს ანჯაფარიძე.
