ექსპერტი ნინო ფოჩხუა მთავარი არხის საინფორმაციო სამსახურის უფროსის თეო გილიგაშვილის ფეისბუქ-პოსტს ეხმიანება, სადაც ნათქვამია, „არ იღლიცინო, გაბრაზდი!“.
ფოჩხუას თქმით, ოპოზიციას ყველა რესურსი ჩართული აქვთ ქვეყნის ასარევად, რადგან ხალხი ქუჩებში აღარ გამოდის, რადგან ყველამ ნახა, რომ “რუსული” კანონი არის აფიორა და რეალურად ეს კანონი ჩვენი ქვეყნის სუვერენიტეტის გაძლიერებას ემსახურება.
„ეს ქალი მთავარი არხის ერთ-ერთი ხელმძღვანელია. აი ამ განცხადებიდანაც კი ჩანს, თუ რა ისტერიკაში არიან ეს უსამშობლო ადამიანები. ხალხი ქუჩებში აღარ გამოდის, ყველამ ნახა, რომ “რუსული” კანონი არის აფიორა და რეალურად ეს კანონი ჩვენი ქვეყნის სუვერენიტეტის გაძლიერებას ემსახურება. ამიტომ, აღარ იციან რა ქნან, ყველა რესურსი ჩართული აქვთ ქვეყნის ასარევად, მაგრამ ვერ ეღირსებიან!“ – წერს ნინო ფოჩხუა.
