ამერიკელი ავტორი, ემილ კოსმანი, Youtube-ზე გამოქვეყნებულ ვიდეოში, სახელწოდებით „აშშ-ის მთავრობა თვალთმაქცურად არიგებს საქართველოს ჭკუას, როცა აშშ-ის პოლიცია პროტესტის დასაშლელად „ქიმიურ საბრძოლო მასალას“ იყენებს“, მიმოიხილავს საქართველოსა და ამერიკაში მიმდინარე საპროტესტო აქციებს, სამართალდამცველების მიერ მათი დაშლის ხერხებს და აშშ-ის განსხვავებულ რეაგირებას საპროტესტო მოვლენებზე.
როგორც კოსმანი აღნიშნავს, ერთადერთი მიზეზი, რის გამოც, აშშ აკრიტიკებს საქართველოში მომიტინგეების წიწაკის სპრეით და წყლის ჭავლით დაშლას იმ ფონზე, როცა თავად შტატებში, პოლიციელებმა ქიმიური საშუალებებიც კი გამოიყენეს პროტესტის მონაწილეების დასშლელად, არის ის, რომ საქართველოში სურთ მთავრობის ჩამოგდება, რომ შემდეგ სომხეთთან ერთად, რუსეთის წინააღმდეგ მეორე ფრონტი გაიხსნას.
„მინდა შევადარო, სავარაუდოდ რა გააკეთეს ქართველებმა და რა გააკეთეს ამერიკელებმა. პოლიცია არ არის კერძო ინსტიტუტი, ის სახელმწიფოს ეკუთვნის. “როიტერის” თანახმად, “საქართველოს მთავრობამ არაერთხელ გამოიყენა ცრემლსადენი გაზი, წიწაკის სპრეი და წყლის ჭავლი, მომიტინგეების წინააღმდეგ, რომლებიც თითქმის ყოველდღე აწყობდნენ აქციებს,” – ეს ნიშნავს, რომ არასამთავრობო ორგანიზაციები და წამქეზებლები აორგანიზებენ ამას – ჩემს სამყაროში, საიდანაც მე მოვდივარ, ვიცი, რომ ეს არის ანბანივით უმარტივესი და თუ არ იცი – წაიკითხე.
დემონსტრაციები თითქმის მთელი თვე გრძელდება “უცხოური აგენტების კანონპროექტის” წინააღმდეგ. ამიტომ ისინი იყენებენ ცრემლმდენ გაზს, წიწაკის სპრეის და წყლის ჭავლს. მოდით, ვნახოთ, ეს ბიჭები [აშშ-ის პოლიცია] რას იყენებენ? ქიმიურ საშუალებას, რომ ისრაელის საწინააღმდეგო აჯანყება დაასრულონ. რისთვის? რატომ გვაქვს ჩვენ ეს ნაგავი? ამისთვის? “ოფიცრები არიზონას უნივერსიტეტში იძულებული გახადეს რომ გამოეყენებინათ ცრემლმდენი გაზი იმისათვის რომ ანტი-ისრაელის მიტინგები დაერბიათ კამპუსში.” – ეს აქ მისაღები და დასაშვებია, მაგრამ იქ, საქართველოში, ამის გაკეთება არ შეიძლება. “არიზონას პოლიციამ მიტინგი უკანონოდ გამოაცხადა და მოუწოდეს მომიტინგეებს, დაუყოვნებლივ დაეტოვებინათ საპროტესტო არეალი. მათ ამ მიზნის მისაღწევად ქიმიური საშუალებაც კი გამოიყენეს.
ახლა მითხარით მეგობრებო, რატომ არ არის კარგი რაღაცის გაკეთება საქართველოში, რომელიც უცხო ქვეყანაა და მათ შეუძლიათ აკეთონ ის, რის გაკეთებასაც მიიჩნევენ საჭიროდ და რატომაა ამის გაკეთება ჩვენთან სწორი? რატომ? იმიტომ, რომ საქართველოში ჩვენ მთავრობის ჩამოგდება გვინდა, რომ ამ ბიჭებმა სომხებთან ერთად მეორე ფრონტი გახსნან რუსების წინააღმდეგ კავკასიაში და ეს არის ამის ერთადერთი მიზეზი. ჩვენ შემთხვევაში კი ერთადერთი მიზეზი ისრაელია“ – აცხადებს კოსმანი.
