უცხოური გავლენის გამჭვირვალობის შესახებ კანონპროექტს პარლამენტი მომდევნო სასესიო კვირაში, მესამე მოსმენით განიხილავს. მმართველ გუნდში აცხადებენ, რომ აღნიშნული კანონპროექტი, საქართველოს სუვერენიტეტის მუდმივ გამყარებას სჭირდება. მესამე მოსმენით განხილვისას, საპარლამენტო უმრავლესობა ოპონენტებისგან ამჯერადაც, უარგუმენტო დავას და დესტრუქციულ ქმედებებს ელოდება.
„ოპოზიციის ერთადერთი მიზანი მაშინ, როდესაც ისინი „გამჭვირვალობის კანონზე“ საუბრობენ არის ის, რომ ეს საკითხი გამოიყენონ პროტესტისთვის, ეს საკითხი გამოიყენონ არაკონსტიტუციური გზებით ხელისუფლების შეცვლისთვის, ვინაიდან ეს არის ის, რაც მათ ამოძრავებთ გამომდინარე იქიდან, რომ საკმაოდ სუსტად გამოიყურებიან მომავალია არჩევნების წინ, – აღნიშნა ევროპასთან ინტეგრაციის კომიტეტის თავმჯდომარემ მაკა ბოჭორიშვილმა.
