არასამთავრობო ორგანიზაციის, „ყოფილი პოლიტპატიმრები ადამიანის უფლებებისთვის“ დამფუძნებელი, ნანა კაკაბაძე 29 აპრილს დაგეგმილ აქციასთან დაკავშირებით სოციალურ ქსელში წერს. როგორც კაკაბაძე აღნიშნავს, ამ აქციით ხელისუფლება ცდილობს აჩვენოს, თუ ვინ არის საქართველოში უმრავლესობა და ვის შეუძლია ილაპარაკოს ქართველი ხალხის სახელით.
კაკაბაძის თქმით, ჩვენ გვინდა ისეთი ევროპული ღირებულებები და ევროპა, სადაც სადისტს და დიქტატორს დემოკრატს არ ეძახიან, გაუკუღმართებული ცხოვრების წესს თავს არ მოგახვევენ და გამჭვირვალობის გზით სახელმწიფოს დაცვა მარტო თავისი ქვეყნისთვის კი არა, ყველასთვის ერთნაირად უნდათ.
მისივე თქმით, სწორედ ეს განწყობა უნდა დავანახოთ 29 აპრილს ევროპული ღირებულებების გამმრუდებელ, მაგრამ ევროპის სახელით მოლაპარაკე იმ ოდიოზურ და კორუმპირებულ ოციოდე ევროპარლამენტარს, რომლებიც დანარჩენ გაუთვითცნობიერელ, ზედაპირულად მოაზროვნე კოლეგებს ჩვენი სახელმწიფოს წინააღმდეგ მიმართულ ასეთ რეზოლუციებზე აწერინებენ ხელს.
“რა მიზანი აქვს 29 აპრილის საერთო-სახალხო შეკრებას სრულიად ნათელია, რომ 25 აპრილის ევროპარლამენტის რეზოლუციაც, მანამდე თბილისში ჩატარებული საპროტესტო აქციებიც, აშშ-ს სახელმწიფო დეპარტამენტის ყოველდღიური განცხადებებიც და ე. წ. რუსულ კანონთან დაკავშირებული ყველა უცხოელის განცხადება იყო სინქრონიზირებული და მიმართული საქართველოს ხელისუფლების დამხობისთვის ნიადაგის შესამზადებლად. ხელისუფლების ძალადობრივი გზით შეცვლა, მხოლოდ ძალისმიერი მეთოდებით არ ხდება.
მიმდინარეობს ნიადაგის მომზადება არჩევნების წინ ისეთი სიტუაციის წარმოჩენისთვის, რომ ყველა, ვინც ხელისუფლების მომხრეა, ავტომატურად პრორუსია, ხოლო ხელისუფლების ყველა მოწინააღმედეგე – პროევროპელია. ასეთი აღქმის დახატვას ადგილზე ამზადებენ ნაცები და მათი ანასხლეტები. ხოლო ორგანიზებას უწევენ ის ლობისტი დასავლელი ბიძიები და დეიდები, რომლებიც ვერ ეგუებიან საქართველოში დამოუკიდებელი ხელისუფლების არსებობას და ცდილობენ ანტიდემოკრატიული, ფაშისტური იმ რეჟიმის რეანიმაციას, რომელიც გამოცდილი ჰყავთ, ყველა დავალების მონურად შესრულებაში. ამის გამო უწოდებდნენ მათ „დემოკრატიის შუქურას“. დღესაც ყველანაირად უჭერენ მხარს იგივეს და ემზადებიან არჩევნების შედეგების არაღიარებით და ევროკავშირის წევრობაზე მოლაპარაკების დაწყებაზე უარის თქმით ქართველი ხალხი აუჯანყონ ოცნების ხელისუფლებას.
29 აპრილის აქციით ხელისუფლება ცდილობს ყარტა-ყურტა ოპოზიციასა და ზომბირებული ხალხის გარედან მმართველებს გააგონოს ქართული საზოგადოების ხმა და აჩვენოს, თუ ვინ არის საქართველოში უმრავლესობა და ვის შეუძლია ილაპარაკოს ქართველი ხალხის სახელით. როგორც ანალიტიკოსები ამტკიცებენ, დაახლოებით თვენახევარში ევრო სტრუქტურებში იცვლება როგორც ძალთა თანაფარდობა, ასევე მმართველობა. თუ ეს ასე იქნა, შეიძლება ვივარაუდოთ, რომ ეს ბოლო რეზოლუცია იყო ლიბერასტული ძალების ბოლო გაფართხალება. რომლებსაც მალე მოუწევს ოპოზიციაში გადაბარგება ისევე, როგორც საქართველოში მოუწიათ, მათ პაიკებს. დიდ ევროპას არ დაჭირდება იმ დათმობაზე წასვლა ფაშისტებთან, რაც პატარა საქართველოს ხელისუფლებას მოუწია.
იმედია, ევროპის ახალი მმართველობა კოჰაბიტაციას არ გამოუცხადევს მექრთამე კრიმინალებს, მალევე გაირკვევა, ვინ რამდენი და ვისგან აიღო იმ ბინძურ რეზოლუციებსა თუ განცხადებებში, რომელსაც ისინი ჩვენი ქვეყნის წინააღმდეგ თხზავენ. ფარდა აეხდება ასევე ბევრ ისეთ შავბნელ თემებს, რომელთა შესახებ არ გაგვიგია ან ყურმოკრით გვაქვს გაგებული. ეს დადებითად იმოქმედებს ჩვენთან იმ დაბნეულ მოქალაქეების გამოფხიზლებაზე, რომელთაც გულწრფელად დაიჯერეს, რომ ბრძოლა ჩვენი სიკეთისათვის მიდიოდა. რომ ევროპის და ამერიკის მმართველებს უნდოდათ ჩვენთვის კარგი და ჩვენ და ჩვენს მიერ არჩეულებს კი ცუდი. გამოჩნდება ბევრი შავი ლაქები, რომელიც შეცვლის პოლიტიკურ დღის წესრიგსაც. ოპოზიციურ მედიებსაც, მოუწევთ გაშუქება და დისკუსიების დაწყებაც, ბევრ ისეთ საკითხებზე, რომლებიც დღეს ტაბუირებულია, ან არ არის მოდაში. ყველაფერს თავი რომ დავანებოთ, რეზოლუციაში მოთხოვნილი, „პოლიტპატიმარი“ მიშას გათავისუფლება, „ოლიგარქი“ ბიძინას დასანქცირება, ხელისუფლების მიერ ინიცირებული კანონების არმიღება, ქართული საზოგადოებისათვის სილის გაწნაა, ვინაიდან მოქალაქეთა უმრავლესობა მიშას სისხლის სამართლის დამნაშავედ, ხოლო ბიძინას დიდ ქველმოქმედად მიიჩნევს.
ყველასათვისაა ცნობილი, რომ უმრავლესობა ასევე ლგბტ პროპაგანდის წინააღმდეგი და ქვეყანაში მოქმედი ყველა ორგანიზაციის გამჭვირვალობის დაწესების მომხრეა. დიახ, ჩვენ გვინდა ისეთი ევროპული ღირებულებები და ევროპა სადაც სადისტს და დიქტატორს დემოკრატს არ ეძახიან, გაუკუღმართებული ცხოვრების წესს თავს არ მოგახვევენ და გამჭვირვალობის გზით სახელმწიფოს დაცვა მარტო თავისი ქვეყნისთვის კი არა, ყველასთვის ერთნაირად უნდათ. სწორედ ჩვენი ეს განწყობა უნდა დავანახოთ 29 აპრილს ევროპული ღირებულებების გამმრუდებელ, მაგრამ ევროპის სახელით მოლაპარაკე იმ ოდიოზურ და კორუმპირებულ ოციოდე ევროპარლამენტარს, რომლებიც დანარჩენ გაუთვითცნობიერელ, ზედაპირულად მოაზროვნე კოლეგებს ჩვენი სახელმწიფოს წინააღმდეგ მიმართულ ასეთ რეზოლუციებზე აწერინებენ ხელს.”- წერს ნანა კაკაბაძე.
