„NATO თავდაცვითი ალიანსია. ჩვენ არ ვეძებთ რუსეთთან კონფლიქტს, მაგრამ ყველა მოკავშირეს დავიცავთ“, – ამის შესახებ ჩრდილოატლანტიკური ალიანსის გენერალური მდივანი იენს სტოლტენბერგი აცხადებს.
მისი თქმით, ავტორიტარული ძალები სულ უფრო მეტ დახმარებას უწევენ ერთმანეთს, რაც მეორე მსოფლიო ომის შემდეგ, ევროპის კონტინენტს ყველაზე დიდ საფრთხეს უქმნის.
„მეორე მსოფლიო ომის შემდეგ ევროპის კონტინენტზე ყველაზე დიდი კონფლიქტის წინაშე ვდგავართ, ჩვენი დღევანდელი გადაწყვეტილებების შედეგებს მომავალი თაობები მოიმკიან. არ უნდა ვიყოყმანოთ. ჩვენ ახლა უფრო სახიფათო სამყაროში ვცხოვრობთ – ავტორიტარული ძალები სულ უფრო ახლოვდებიან ერთმანეთთან.
რუსეთი თავის აგრესიულ ომში ჩინეთის, ირანისა და ჩრდილოეთ კორეისგან იღებს მხარდაჭერას. ეს ჩვენ გვახსენებს, რომ უსაფრთხოება არა რეგიონალური, არამედ გლობალურია და ჩვენს პარტნიორებთან ერთად უნდა ვიმუშაოთ მთელს მსოფლიოში, რომ შევინარჩუნოთ და დავიცვათ ტრანსნაციონალური უსაფრთხოება.
NATO თავდაცვითი ალიანსია. ჩვენ არ ვეძებთ რუსეთთან კონფლიქტს, მაგრამ ჩვენ დავიცავთ ჩვენი 1 მილიარდი ადამიანის უსაფრთხოებას. პოლონეთში ალიანსის 10 000 სამხედრო მოსახლეობაა ბაზირებული, რომლებიც უსაფრთხოების სიგნალს აგზავნიან იმის შესახებ, რომ NATO ყველა მოკავშირეს დაიცავს“, – აცხადებს სტოლტენბერგი.
