ღამით აფეთქება მოხდა თბილისში, სამტრედიის ქუჩაზე.
მომხდარის შედეგად დაზიანებულია ახლომდებარე კორპუსებში ფანჯრების მინები და ავტომობილები.აფეთქების გამომწვევი მიზეზები დგინდება. ადგილზე მობილიზებულია პოლიცია და საგანგებო სიტუაციების სამსახური.
როგორც საგანგებო სიტუაციების მართვის სამსახურში განაცხადეს, დაშვებულების შესახებ ინფორმაცია არ აქვთ.ერთ-ერთი ინფორმაციით, აფეთქება საცხოვრებელი კორპუსის პირველ სართულზე მოხდა, სადაც კომერციული ფართის სარემონტო სამუშაოები მიმდინარეობდა.
დიდუბის რაიონის მაჟორიტარი დეპუტატი გივი ჩხარიტიშვილი აცხადებს, რომ მერია საცხოვრებლით უზრუნველყოფს სამტრედიის ქუჩაზე, იმ საცხოვრებელი კორპუსის მცხოვრებლებს, სადაც აფეთქება მოხდა.
როგორც მან შემთხვევის ადგილზე ჟურნალისტებს განუცხადა, ადგილზე საგამოძიებო მოქმედებები მიმდინარეობს.
„სავარაუდოდ, არის გაზით აფეთქება. მიმდინარეობს საგამოძიებო მოქმედებები. პირველადი ინფორმაციით, არ არის მსხვერპლი. ჩვენ ჩართულები ვართ ყველაფერში. გამგეობა და მერია უზრუნველყოფს ამ კორპუსში მცხოვრებლებს საცხოვრებელი ბინებით და ყველა იმ საჭიროებით, რაც აქვთ“, – განაცხადა გივი ჩხარტიშვილმა.
