„შინაურ ბინადარ ცხოველთა შესახებ“ საქართველოს კანონპროექტის საჯარო პრეზენტაცია პარლამენტში დღეს გაიმართება. სხდომას პარლამენტის თავმჯდომარე შალვა პაპუაშვილი გახსნის.
შეხვედრას ყველა დაინტერესებულ პირთან ერთად მუნიციპალიტეტის წარმომადგენლები და ცხოველთა დამცველები დაესწრებიან.
პროექტის მთავარი მიზანი შინაური ცხოველის, ძაღლისა და კატის მიკვლევადობის ერთიანი სისტემის ჩამოყალიბებაა. მოხდება პატრონიანი ცხოველების რეგისტრაცია, ასევე, მიუსაფარ ძაღლთა მასშტაბური აღრიცხვა. მკაცრად გაკონტროლდება შინაური ცხოველების გამრავლებაც. დგინდება გარკვეული შეზღუდვა მხოლოდ და მხოლოდ მრავალბინიან კორპუსში, ბინაში ძაღლების რაოდენობაზე, რაც 2025 წლის 1-ელი ივლისიდან ამოქმედდება. საკუთრებაში აიკრძალება 3-ზე მეტი ძაღლის ყოლა. შეზღუდვა არ შეეხებათ მათ, ვინც ცხოველს თავშესაფრიდან აიყვანს ან მიიკედლებს.
