„ვიზეარის“ თვითმფრინავში ასაფეთქებელი ნივთიერების სავარაუდო არსებობასთან დაკავშირებით შემოწმებები უკვე დასრულდა. ქუთაისი-ბარსელონას რეისი 19 საათზე განახლდება. ამის შესახებ ინფორმაცია „Newshub.ge“-ს ქუთაისის საერთაშორისო აეროპორტმა მიაწოდა.
აეროპორტის ადმინისტრაციაში აცხადებენ, რომ ისინი ვერ გასცემენ ინფორმაციას, არის თუ არა ბორტზე აღმოჩენილი ასაფეთქებელი ნივთიერება.
შეგახსენებთ, აფრენიდან რამდენიმე წუთში „ქუთაისი – ბარსელონას“ რეისი უკან, ქუთაისის საერთაშორისო აეროპორტში დაეშვა. თვითმფრინავის უკან დაბრუნების მიზეზი გახდა მიწოდებული ინფორმაცია, ბორტზე ასაფეთქებელი ნივთიერების სავარაუდო არსებობის შესახებ. აღნიშნულ საკითხზე ოფიციალურ განცხადება ქუთაისის საერთაშორისო აეროპორტმა გაავრცელა.
Facebook Comments Box
