ისრაელ-ჰამასის მიმდინარე ომის შედეგად დაღუპულია სულ მცირე 40 ჟურნალისტი. ამის შესახებ ინფორმაციას ჟურნალისტთა დაცვის კომიტეტის (CPJ) ავრცელებს.
„ჟურნალისტები განსაკუთრებით მაღალი საფრთხის წინაშე ღაზაში დგანან, რადგან ისინი კონფლიქტის გაშუქებას ისრაელის სახმელეთო და საჰაერო თავდასხმების, კომუნიკაციის შეფერხებისა და ელექტროენერგიის გათიშვის ფონზე ცდილობენ“, – აცხადებენ ჟურნალისტთა დაცვის კომიტეტში.
11 ნოემბრის მდგომარეობით მონაცემები კი ასე გამოიყურება:
დაღუპულია სულ მცირე 40 ჟურნალისტი, დაღუპულებს შორის 35 პალესტინელია, 4 ისრაელელი, ხოლო 1 ლიბანელი.
გავრცელებული ინფორმაციით, დაშავდა 8 ჟურნალისტი.
3 ჟურნალისტი დაკარგულად მიიჩნება
გავრცელებული ინფორმაციით, დაკავებულია 13 ჟურნალისტი.
ჟურნალისტებს ემუქრებიან თავდასხმით და ოჯახის წევრების მკვლელობით.
ინფორმაციისთვის, 7 ოქტომბერს ტერორისტული ორგანიზაცია „ჰამასი“ ისრაელს თავს მოულოდნელად დაესხა, რა დროსაც მოკლა 1400 მშვიდობიანი მოქალაქე და 200-ზე მეტი მძევლად აიყვანა. ისრაელი „ჰამასის“ საპასუხოდ ღაზას სექტორში სამხედრო ოპერაციას ახორციელებს.
