აქედანვე ჩანს, რომ ოპოზიცია არ არის მზად შეთავაზებები გაუკეთოს მოქალაქეებს საგნობრივ საკითხებთან დაკავშირებით. მათი მთავარი „ლაით მოტივი“ წინასაარჩევნო კამპანიის იქნება ზიზღის, ბოღმის, სიძულვილის, ძალადობის დათესვა, რასაც ისინი აკეთებენ ბოლო პერიოდში და სხვა არჩევნების დროსაც, – ამის შესახებ პარლამენტის თავმჯდომარემ შალვა პაპუაშვილმა განაცხადა.
„ქართული ოცნების“ პირობებში ჩატარებული ყველა არჩევნები იყო სამართლიანი და ყველა არჩევნების შედეგად მოსახლეობის ნება აისახა სხვადასხვა სტრუქტურაზე, იქნებოდა ეს პარლამენტი, თუ თვითმმართველობა. ასე რომ, ამაში ჩვენ არავისგან მითითება არ გვჭირდება. ეს არის ჩვენი კონსტიტუცია, ხალხის ნება და ამას უზრუნველვყოფთ ჩვენ, რომ იყოს სამართლიანი არჩევნები. რაც შეეხება 2024 წლის არჩევნებს, ფაქტია, ჩანს აქედანვე, რომ მნიშვნელოვანი იქნება საარჩევნო გარემო. ოპოზიცია არ არის მზად შეთავაზებები გაუკეთოს მოქალაქეებს საგნობრივ საკითხებთან დაკავშირებით. მათი მთავარი „ლაით მოტივი“ წინასაარჩევნო კამპანიის იქნება ზიზღის, ბოღმის, სიძულვილის, ძალადობის დათესვა, რასაც ისინი აკეთებენ ბოლო პერიოდში და სხვა არჩევნების დროსაც. ჩანს, რომ ისინი ემზადებიან დესტრუქციისთვის საპარლამენტო არჩევნებზე“, – აღნიშნა პაპუაშვილმა.
