მნიშვნელოვანია, უკრაინამ გოპაკი არ დაივიწყოს, თორემ ისინი მუდმივად იცეკვებენ სხვის დაკრულზე, – ამის შესახებ რუსეთის ფედერაციის პრეზიდენტმა ვლადიმერ პუტინმა განაცხადა.
ვლადიმერ პუტინი უკრაინასა და რუსეთს შორის მოლაპარაკებების შესაძლებლობაზე აშშ-ის სახელმწიფო მდივნის, ენტონი ბლინკენის განცხადებას გამოეხმაურა იმასთან დაკავშირებით, რომ „ტანგოს ცეკვას ორი სჭირდება“.
„ვფიქრობ, უკრაინისთვის მნიშვნელოვანია, რომ არ დაივიწყოს გოპაკი, ეს მნიშვნელოვანია, თორემ ისინი მუდმივად იცეკვებენ სხვის დაკრულზე“, – დასძინა პუტინმა.
შეგახსენებთ, აშშ-ის სახელმწიფო მდივანმა, ენტონი ბლინკენმა უკრაინასა და რუსეთს შორის მოლაპარაკებების შესაძლებლობაზე საუბრისას განაცხადა, რომ „ტანგოს ცეკვას ორი სჭირდება“ და რომ შეერთებულ შტატებს ჯერ არ უნახავს პუტინის მხრიდან დიპლომატიის მიმართ ინტერესის ნიშნები.
