უკრაინისთვის დასავლური იარაღის მიწოდების შეფერხებები არის მიზეზი, რის გამოც კონტრშეტევის ტემპი მოლოდინს არ ამართლებს. ამის შესახებ გერმანიაში უკრაინის ელჩმა, ალექსეი მაკეევმა განაცხადა.
ელჩის თქმით, დასავლელი პარტნიორების მხრიდან ყოყმანი არის ერთ-ერთი მიზეზი იმისა, რომ უკრაინა კონტრშეტევისას, სირთულეებს აწყდება.
„რუსეთს ჰქონდა დრო ბარიკადების დასადგმელად“, – განაცხადა მაკეევმა.
ელჩმა აღნიშნა, რომ უკრაინელი ჯარისკაცების წვრთნას და აღჭურვას ძალიან დიდი დრო დასჭირდა. მისივე თქმით, ჯარი ახლა სრულად არის აღჭურვილი დასავლური იარაღითა და საბრძოლო მასალებით.
მაკეევმა ასევე ახსენა დებატები გერმანიაში ქვეითი საბრძოლო მანქანების და საზენიტო სისტემების მიწოდებასთან დაკავშირებით და აღნიშნა, რომ ის აწარმოებს „ძალიან პრაგმატულ და არსებით მოლაპარაკებებს“ გერმანიის მთავრობასთან შორი მანძილის Taurus-ის რაკეტების მიწოდების თაობაზე.
გარდა ამისა, დიპლომატმა თქვა, რომ უკრაინა არ აკონტროლებს ცას თავის ტერიტორიაზე, რის გამოც მისთვის ასე მნიშვნელოვანია F-16-ის ტიპის საბრძოლო თვითმფრინავების მიწოდება.
