უკრაინის შეიარაღებული ძალების მთავარსარდალმა ვალერი ზალუჟნიმ ამერიკელ ოფიციალურ პირებს განუცხადა, რომ მისი არმია გარღვევის ზღვარზეა, – ამის შესახებ უკრაინული მედია The Wall Street Journal-ზე დაყრდნობით წერს.
როგორც The Wall Street Journal-ი წერს, რამდენიმე კვირაა დაძაბული დისკუსია მიმდინარეობს აშშ-სა და უკრაინელ ოფიციალურ პირებს შორის კონტრშეტევის სტრატეგიაზე. ამერიკელი სამხედროები მოუწოდებენ ძალების კონცენტრირებას, ასევე, შეეცადონ გაარღვიონ რუსეთის ფედერაციის თავდაცვა და მიაღწიონ აზოვის ზღვას.
„თქვენ არ გესმით ამ კონფლიქტის ბუნება. ეს არ არის ოპერაცია ამბოხებულების წინააღმდეგ“, – ციტირებს ზალუჟნის სიტყვებს შტატის ერთ-ერთი წარმომადგენელი.
ვაშინგტონში მიაჩნიათ, რომ უკრაინას აქვს საკმარისი აღჭურვილობა შეტევისთვის და მომავალ წელს ამ მოცულობით იარაღის მიწოდება შეუძლებელი იქნება.
„ჩვენ შევქმენით ეს ფოლადის მთა კონტრშეტევისთვის. ჩვენ არ შეგვიძლია ამის გამეორება“ – განუცხადა გაზეთს აშშ-ის ყოფილმა ოფიციალურმა წარმომადგენელმა.
ამავდროულად, აშშ-ის ოფიციალური პირები მიიჩნევენ, რომ შეიარაღებულ ძალებს მაინც შეუძლიათ წარმატების მიღწევა.
„უკრაინის სარდლობა, ასევე, აცხადებს, რომ კონტრშეტევის დრო ჯერ არ გასულა და ზალუჟნიმ უთხრა ამერიკელ ოფიციალურ პირებს, რომ მისი ჯარები გარღვევის ზღვარზე არიან“, – წერს გამოცემა.
