ისე, ერთი მოკრძალებული კითხვა მექნება:
მთელი წლები 8 აგვისტოს რომ ვიხსენებდით ომის დაწყებას, მეხსიერება მღალატობს თუ მართლა ასე იყო კაცო? 08.08.08 არ ტრიალებდა ყველგან ოფიციოზის დონეზე? თუ ქვეყნისთვის ეს ცვლილება მნიშვნელოვანია და ახლა 7 აგვისტო უნდა ვთქვათ (მესმის არგუმენტები, კი ბატონო), ოკ, გავიგე! რაც მნიშვნელოვანია და ქვეყანას წაადგება მტერთან ბრძოლაში ეგ უნდა ვთქვათ და არც რიტორიკის შეცვლაა პრობლემა რომ შემთხვევით რუსული პროპაგანდის წისქვილზე არ დავასხათ წყალი, მაგრამ…
ვინმეს სიტყვას ფასი აქვს ან ჰქონია ამ ქვეყანაში ამის დედა ვატირე? ხო შეიძლება რო ხალხს აგვიხსნას ეს ყველაფერი იმან, ვინც 8 აგვისტო მონიშნა რუსული აგრესიის დაწყების თარიღად და თქვას მკაფიოდ რო მეგობრებო, არ იყო ეგ სწორი, ბოდიში, მივქარე, ამიტომ და ამიტომ 7 აგვისტოა რეალურად ომის დაწყების თარიღი და ახლა 8 აგვისტო რუსული პროპაგანდის ნარატივია მხოლოდ და ქვეყანას აზიანებსო. აბა ასე ვითომც არაფერი რაღაცეების რადიკალური შეცვლით ვიჭრებით მერე რიგითი მოქალაქეები და საერთოდ ვეღარ ვხვდებით რაშია საქმე, ისევ ხალხი ილანძღება თან ბოლოს – რუსო რუსოს ძახილით დასდევენ ერთმანეთს ვიღაცეების დაუფიქრებელი ტექნოკური გაუგებრობის თუ შეგნებული მოღალატეობრივი პოზიციების გამო, ჰოდა მაგ ვიღაცეების ვირეშმაკა დედა ვატირე რო გვამაიმუნებენ წლებია და ისევ ჩვენ გვაკისრებენ პასუხისმგებლობას ამაზე!
თუ მოღალატეობრივი აქტია 8 აგვისტოს მიჩნევა რუსული აგრესიის დაწყების თარიღად, მაშინ ვინ აკეთებდა ამას წლების მანძილზე და რატომ??,-წერს ჯაბა ზარქუა სოციალურ ქსელში.
